សំណាងណាស់ ពលរដ្ឋចំនួន១១ខ្នងផ្ទះ ដែលមានលក្ខខណ្ឌគ្រប់គ្រាន់ ត្រូវបាន អាជ្ញាធរជាតិអប្សរា រៀបចំជូននូវគំនូសប្លង់ស្ថាបត្យកម្មលក្ខណៈបែបប្រពៃណីខ្មែរ

ខេត្តសៀមរាប៖ នៅសប្តាហ៍ទី៣ នៃខែមីនា ឆ្នាំ២០២៤នេះ ក្រុមការងារបច្ចេកទេសនៃនាយកដ្ឋានគ្រប់គ្រងដីធ្លី បេតិកភណ្ឌក្រុង និងសហគមន៍នៃអាជ្ញាធរជាតិអប្សរា បានជួយរៀបចំគំនូសប្លង់ស្ថាបត្យកម្មបែបប្រពៃណីខ្មែរ ជូនដល់ប្រជាពលរដ្ឋរស់នៅក្នុងតំបន់រមណីយដ្ឋានអង្គរ ដែលមានលក្ខខណ្ឌគ្រប់គ្រាន់ទទួលបានការអនុញ្ញាតបានចំនួន១១ករណី។ អាជ្ញាធរជាតិអប្សរាបន្តថា ប្រជាពលរដ្ឋរស់នៅក្នុងតំបន់រមណីយដ្ឋានអង្គរ ដែលមានលក្ខខណ្ឌគ្រប់គ្រាន់ និងអាចទទួលបានការអនុញ្ញាតសាងសង់ទាំងនោះមាន៖

-១ ឈ្មោះ វឿន ធឿម រស់នៅភូមិគោកបេង សង្កាត់គោកចក ក្រុងសៀមរាប
-២ ឈ្មោះ សឹក សាភា  រស់នៅភូមិប្រដាក ឃុំប្រដាក ស្រុកបន្ទាយស្រី
-៣ ឈ្មោះ ហ៊ា សុផល  រស់នៅភូមិអូរទទឹង ឃុំប្រដាក ស្រុកបន្ទាយស្រី
-៤ ឈ្មោះ គិល គឺ  រស់នៅភូមិតាឯក ឃុំរុនតាឯក ស្រុកបន្ទាយស្រី
-៥ ឈ្មោះ ឃេ ឃឿយ  រស់នៅភូមិអន្តង្គន់ ឃុំដូនកែវ ស្រុកពួក
-៦ ឈ្មោះ ក្រាញ់ ឈូក រស់នៅភូមិបឹងខ្នារ ឃុំខ្នាត ស្រុកពួក
-៧ ឈ្មោះម៉ែន លុយ រស់់នៅភូមិប្រាសាទចារ្យ ឃុំដូនកែវ ស្រុកពួក
-៨ ស្តើង ស៊ីវ៉ន  រស់នៅភូមិគោកស្នួល ឃុំខ្នាត ស្រុកពួក
-៩ ឈ្មោះ ហ៊ិម ព្រម រស់នៅភូមិលើ្បក ឃុំដូនកែវ ស្រុកពួក
-១០ ឈ្មោះសុំ ស្រីមុំ រស់នៅភូមិស្ទឹង ឃុំបាគង ស្រុកប្រាសាទបាគង
-១១ ឈ្មោះ អោម មៀន រស់នៅភូមិថ្នល់ត្រង់ ឃុំបាគង ស្រុកប្រាសាទបាគង។
អាជ្ញាធរជាតិអប្សរាបានបញ្ជាក់ថា «អាជ្ញាធរជាតិអប្សរា តែងយកចិត្តទុកដាក់និងពិនិត្យ ព្រមទាំងពង្រឹងការងាររបស់ខ្លួនបន្ថែម តាំងពីដំណាក់កាលទទួលសំណើរហូតដល់ដំណាក់កាលឆ្លើយតបទៅកាន់ពលរដ្ឋវិញ ពោលគឺធ្វើយ៉ាងណាឱ្យសេវាកម្មរបស់អាជ្ញាធរជាតិអប្សរាខិតកាន់តែជិតប្រជាពលរដ្ឋ»។
អាជ្ញាធរជាតិអប្សរាបានបញ្ជាក់ដោយសង្កត់ធ្ងន់ថា រាល់ការស្នើសុំច្បាប់គឺពុំតម្រូវឱ្យប្រជាពលរដ្ឋបង់ប្រាក់នោះឡើយ៕KD

អត្ថបទ និងរូបភាព៖ នាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ