មន្ទីរប្រឆាំងគ្រឿងញៀនចេញលិខិតបង្គាប់ការផ្អាកការងារបណ្តោះអាសន្ន មន្ត្រីនគរបាលជាតិចំនួន ១៥រូប នៃមន្ទីរប្រឆាំងគ្រឿងញៀន ដោយមូលហេតុ ល្មើសវិន័យកងកម្លាំងនគរបាលជាតិ

រាជធានីភ្នំពេញ៖ មន្ត្រីនគរបាលចំនួន ១៥រូប ត្រូវបានលោកឧត្តមសេនីយ៍ឯក ឃឹង សារ៉ាត់ នាយកមន្ទីរ ប្រឆាំងគ្រឿងញៀន នៃនាយកដ្ឋានកណ្ដាលនគរបាលយុត្តិធម៌ របស់អគ្គស្នងការនគរបាលជាតិ ក្រសួងមហាផ្ទៃ ចេញលិខិតបង្គាប់ការ លេខ ៨០២ លបក ផ្អាកការងារបណ្តោះអាសន្ន ដោយសារល្មើសវិន័យកងកម្លាំងនគរបាលជាតិ កាលពីថ្ងៃទី ២១ ខែធ្នូ ឆ្នាំ២០២៣ កន្លងទៅនេះ។

តាមរយៈលិខិតបង្គាប់បានឱ្យដឹងថា មន្ត្រីនគរបាលជាតិចំនួន ១៥រូប នៃមន្ទីរប្រឆាំងគ្រឿងញៀន ដែលល្មើសវិន័យកងកម្លាំងនគរបាលជាតិ និងត្រូវបានផ្អាកការងារបណ្តោះអាសន្ននោះរួមមាន៖

១-លោកវរសេនីយ៍ទោ ធិ ទ្រី អត្តលេខ ៤២២៥៤ ឋានៈ នាយរងការិយាល័យ។

២-លោកវរសេនីយ៍ទោ រ៉េត នាង អគ្គលេខ ៥៨៦១០ ឋានៈ នាយរងការិយាល័យ។

៣-លោកអនុសេនីយ៍ឯក ចុង សុភៈ អត្តលេខ ៨៧០០៧ ឋានៈ នាយរងការិយាល័យ។

៤-លោកវរសេនីយ៍ទោ អង ទីវុដ្ឋា អត្តលេខ ៩៣៣៧៦ ឋានៈ នាយរងការិយាល័យ។

៥-លោកអនុសេនីយ៍ឯក មិន ស៊ីឡេ អត្តលេខ ១៦២២១ ឋានៈ នាយផ្នែក។

៦-លោកអនុសេនីយ៍ឯក នី សារី អត្តលេខ ៥៥១៩២ ឋានៈ នាយផ្នែក។

៧-លោកវរសេនីយ៍ត្រី បឿន សុនិត ឋានៈ នាយផ្នែក អត្តលេខ ៦៦១០២ ឋានៈ នាយផ្នែក។

៨-លោកវរសេនីយ៍ត្រី អ៊ុង សុធា អត្តលេខ ៧៨៣៧០ ឋានៈ នាយផ្នែក។

៩-លោកអនុសេនីយ៍ឯក ជេត សុខគាល អត្តលេខ ៥៥២៤៨ ឋានៈ នាយរងផ្នែក។

១០-លោកអនុសេនីយ៍ឯក ផាន់ វិជាតិ អត្តលេខ ៧៨៥៦៣ ឋានៈ នាយរងផ្នែក។

១១-លោកអនុសេនីយ៍ឯក ម៉ាប់ ឡៃម៉ុង អត្តលេខ ៨១៦៩៤ ឋានៈ នាយរងផ្នែក។

១២-លោកអនុសេនីយ៍ឯក វុទ្ធី ចាន់ថន អត្តលេខ ៨២៤០២ ឋានៈ នាយរងផ្នែក។

១៣-លោកអនុសេនីយ៍ឯក ស្វាយ សុភាព អគ្គលេខ ៨៣១៧១ ឋានៈ នាយរងផ្នែក។

១៤-លោកអនុសេនីយ៍ទោ ឈុន ដារ៉ា អត្តលេខ ៨៧៣៤១ ឋានៈ នាយរងផ្នែក។

១៥- លោកអនុសេនីយ៍ឯក លី ប៊ុនណារ័ត្ន អគ្គលេខ ៨០៣៧០ ឋានៈ មន្ត្រី។

លិខិតបង្គាប់ដដែលបន្តថា សាមីខ្លួនត្រូវមកបង្ហាញមុខនៅការិយាល័យរដ្ឋបាល-សរុប រៀងរាល់ម៉ោងធ្វើការ ដើម្បីកែប្រែកំហុសឆ្គង និងរង់ចាំការសម្រេចជាថ្មី ។

លិខិតបង្គាប់បញ្ជាក់ថា លោកនាយករងទទួលផែន (ក១) លោកនាយការិយាល័យរដ្ឋបាល-សរុប និងសាមីខ្លួនត្រូវអនុវត្តតាមលិខិត បង្គាប់ការនេះ ចាប់ពីថ្ងៃចុះត្ថលេខានេះទៅ៕នាគស