Saturday, February 24, 2024

ឯកឧត្តម អ្នកឧកញ៉ា សៀង ណាំ៖ ថ្ងៃ២ធ្នូ និង ៧មករា គឺជាមូលដ្ឋានគ្រឹះដែលនាំឱ្យប្រទេសកម្ពុជាចាកចេញពីរបបប្រល័យពូជសាសន៍ខ្មែរក្រហម ហើយអាចឱ្យយើងរួមគ្នាកសាងប្រទេសជាតិឱ្យមានការអភិវឌ្ឍមាន សុខសន្តិភាពរហូតមកដល់ថ្ងៃនេះ

ខេត្តសៀមរាប៖ កាលពីព្រឹកថ្ងៃទី២ ខែធ្នូ ឆ្នាំ២០២កន្លងទៅ នៅខេត្តសៀមរាប បានរៀបចំពិធីអបអរសាទរខួបអនុស្សាវរីយ៍លើកទី ៤៥ ទិវាកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា (០២ ធ្នូ ១៩៧៨ – ០២ ធ្នូ ២០២៣) ដែល មានឈ្មោះដើមថា រណសិរ្សសាមគ្គី សង្គ្រោះជាតិកម្ពុជា ដោយមានការអញ្ជើញជាអធិបតីពីសំណាក់ ឯកឧត្តម អ្នកឧកញ៉ា សៀង ណាំ អ្នកតំណាងតំណាងរាស្ត្រ និងជាអនុប្រធានគណៈកម្មាធិការរណសិរ្ស សាមគ្គីអភិវឌ្ឍន៍មាតុភូមិកម្ពុជា ខេត្តសៀមរាប និងឯកឧត្តម អ៊ាន ឃុន ប្រធានក្រុមប្រឹក្សាខេត្ត និង ជាអនុ ប្រធានគណៈកម្មាធិការរណសិរ្សសាមគ្គី អភិវឌ្ឍន៍មាតុភូមិកម្ពុជា ខេត្តសៀមរាប ព្រមទាំងមានអ្នកចូលរួម មកពី ស្ថាប័នជាតិ មន្ទីរ អង្គភាព អង្គការ សមាគម និងប្រជាពលរដ្ឋជុំវិញខេត្តនិងសិស្សានុសិស្សចូលរួម សរុបប្រមាណជាង ៣ពាន់នាក់ផងដែរ។

បន្ទាប់ពីបញ្ចាប់ការអាននូវ សុន្ទរកថារបស់សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជារួចមក ឯកឧត្តម អ្នកឧកញ៉ា សៀងណាំ បានបញ្ជាក់ថា ថ្ងៃទី០២ ខែធ្នូ ឆ្នាំ២០២៣នេះ គឺជាថ្ងៃ គម្រប់ខួបលើកទី៤៥ (២ធ្នូ ១៩៧៨-២ធ្នូ ២០២៣) ហើយទិវាកំណើតរណសិរ្សសាមគ្គីសង្គ្រោះជាតិកម្ពុជា ដែលបច្ចុប្បន្នត្រូវបានប្តូរឈ្មោះថា “រណសិរ្សសាមគ្គី អភិវឌ្ឍន៍មាតុភូមិកម្ពុជា” ជាថ្ងៃប្រវត្តិសាស្ត្រ ដែលកម្លាំងអ្នកស្នេហាជាតិមកពីគ្រប់ទិសទីទាំងក្នុង និងក្រៅប្រទេសរួបរួមគ្នាក្រោកឈរធ្វើចលនាតស៊ូ ក្នុងកម្លាំងអ្នកស្នេហាជាតិមកពីគ្រប់ទិសទីទាំងក្នុង និងក្រៅប្រទេសរួបរួមគ្នាក្រោកឈរធ្វើចលនាតស៊ូ ក្នុងគោលដៅរំដោះជាតិ មាតុភូមិ និងប្រជាជនកម្ពុជាឱ្យរស់រានមានជីវិតឡើងវិញ រួចផុតពីគ្រោះមហន្តរាយនិងការកាប់សម្លាប់នៃរបបកម្ពុជាប្រជាធិបតេយ្យរបស់បនប្រល័យពូជសាសន៍ប៉ុលពត។ឯកឧត្តម អ្នកឧកញ៉ា សៀងណាំ បានគូសបញ្ជាក់ទៅលើសុន្ទរកថា របស់សម្តេចកិត្តិសង្គហបណ្ឌិត ម៉ែន សំអន ទៀតថា ទិវានេះត្រូវបានរៀបចំឡើងក្នុងគោលបំណងរំលឹកឡើងវិញនូវទិវាជាប្រវត្តិសាស្ត្រនៃដំណើរចាប់ផ្តើមរស់រានមានជីវិតរបស់ជាតិ មាតុភូមិ ប្រជាជនកម្ពុជា និងដើម្បីប្រកាសជាឱឡារិកថា រណសិរ្ស២ធ្នូ មិនត្រឹមតែសង្គ្រោះយើងទាំងអស់គ្នាឱ្យចាកផុតពីគ្រោះមហន្តរាយនៃរបបប្រល័យពូជសាសន៍ប៉ុណ្ណោះទេ ប៉ុន្តែរណសិរ្ស២ធ្នូ បានរួមចំណែកយ៉ាងធំធេងជាមួយរាជរដ្ឋាភិបាល និងគណបក្សប្រជាជនកម្ពុជា ក្នុងការស្ដារកសាង និងអភិវឌ្ឍន៍សង្គមជាតិនៅគ្រប់ដំណាក់កាលធ្វើឱ្យមាតុភូមិកម្ពុជាប្រែមុខមាត់ថ្មីជាបន្តបន្ទាប់។
ឯកឧត្តម អ្នកឧកញ៉ា សៀងណាំ ក៏បានមានប្រសាសន៍រំលឹកឡើងវិញនូវប្រវត្តិសាស្ត្រនៃការបង្កើតថ្ងៃ២ធ្នូ បើសិនគ្មានថ្ងៃ២ធ្នូ ទេ ក៏គ្មានថ្ងៃ៧មករានោះដែរ ថ្ងៃ២ធ្នូ និង ៧មករា គឺជាមូលដ្ឋានគ្រឹះដែលនាំឱ្យប្រទេសកម្ពុជាចាកចេញពីរបបប្រល័យពូជសាសន៍ខ្មែរក្រហម ហើយអាចឱ្យយើងរួមគ្នាកសាងប្រទេសជាតិឱ្យមានការអភិវឌ្ឍមាន សុខសន្តិភាពរហូតមកដល់ថ្ងៃនេះ ។
ឯកឧត្តម អ្នកឧកញ៉ា សៀងណាំ ក៏បានមានប្រសាសន៍បញ្ជាក់បន្ថែម ជួនដល់បងប្អូនប្រជាពលរដ្ឋ យុវជន សិស្សានុសិស្ស និងមន្ត្រីរាជការទាំងអស់ ត្រូវចងចាំជានិច្ចស្មារតី២ធ្នូ ដែលជាកំលាំងសាមគ្គីជាតិយ៉ាងធំក្នុងការរំដោះប្រទេសជាតិពីរបបខ្មែរក្រហម ។ ហើយទាំងអស់នេះគឺជាមូលដ្ឋានមេរៀនប្រវត្តិសាស្ត្រមួយ សម្រាប់យើងក្នុងការដឹកនាំប្រទេសជាតិ និងការពារសុខសន្តិភាព ដែលកម្ពុជាយើងមាន ។ ហើយប្រជាជនកម្ពុជាគ្រប់រូបសុទ្ធតែយល់ច្បាស់ថាបើគ្មានថ្ងៃ២ធ្នូ និងថ្ងៃជ័យជំ នះ៧មករា ទេនោះ ក៏គ្មានអ្វីៗដូចថ្ងៃនេះដែរ (នេះគឺជាសច្ចៈធម៌នៃប្រវត្តិសាស្ត្រ )ផងដែរ៕KD

អត្ថបទស្រដៀងគ្នា

ព័ត៌មានពេញនិយម