រាជធានីភ្នំពេញ៖ មន្ទីរសម្រាកព្យាបាលយីហោ “យ៉ាស៊ីន ឫស្សីកែវ” ដែលមានទីតាំងស្ថិតនៅតាមបណ្តោយ ផ្លូវជាតិលេខ៥ ភូមិ១ សង្កាត់ច្រាំងចំរេះទី២ ខណ្ឌឫស្សីកែវ តាមពិតជាបនល្បែងខុសច្បាប់សោះ។ នេះបើយោងតាមការឱ្យដឹងពីសមត្ថភាពនៅរសៀលថ្ងៃទី១៣ ខែឧសភា ឆ្នាំ២០២៣នេះ។
សមត្ថកិច្ចថា ដោយអនុវត្តតាមការដឹកនាំរបស់លោក ឯក ឃុនដឿន អភិបាល នៃគណៈអភិបាលខណ្ឌឫស្សីកែវ ក្រុមការងាររដ្ឋបាលខណ្ឌឫស្សីកែវ ដឹកនាំដោយលោក អ៊ាន សុឃីម អភិបាលរងខណ្ឌ បានដឹកនាំកម្លាំងចម្រុះ បានឆ្មក់ចូលបង្ក្រាបល្បែងស៊ីសងខុសច្បាប់ក្នុងគ្លីនិកមួយកន្លែងដែលមានយីហោ “យ៉ា ស៊ីន ឫស្សីកែវ” ឃាត់មនុស្សចំនួន ០៨នាក់ និងបានដកហូតវត្ថុតាងមួយចំនួនផងដែរ កាលពីថ្ងៃទី១១ ខែឧសភាឆ្នាំ២០២៣កន្លងទៅ។
សមត្ថកិច្ចបន្តថា ជាលទ្ធផលក្រុមការងារ បានចុះពិនិត្យជាក់ស្តែងឃើញថា អាជីវកម្ម ខាងលើ គ្មានលិខិត អនុញ្ញាត ប្រកប អាជីវកម្ម -សេវាកម្ម -ពាណិជ្ជកម្មពី រដ្ឋបាល ខណ្ឌឬស្សីកែវ គ្មានលិខិតអនុញ្ញាតពី រដ្ឋបាលរាជធានីភ្នំពេញ និងគ្មានលិខិតអនុញ្ញាតប្រកបអាជីវកម្ម ពីគណៈកម្មាការគ្រប់គ្រង ល្បែងពាណិជ្ជកម្មកម្ពុជានោះទេ។
សមត្ថកិច្ចបន្ថែមថា ក្រុមការងារក៍បានធ្វើការឃាត់ខ្លួនមនុស្សចំនួន ០៨នាក់ ក្នុងនោះមានស្រីចំនួន ០៦នាក់៖១/ឈ្មោះ ជា ម៉ាប់ ភេទប្រុស អាយុ ៣៨ឆ្នាំ ស្នាក់នៅផ្ទះលេខ៣៩៥ ផ្លូវជាតិលេខ៥ ក្រុម៤ភូមិ៣ សង្កាត់ច្រាំងចំរេះទី១ ខណ្ឌឬស្សីកែវ(ភ្នាក់ងារ ចាត់ចែង)។ ២/ឈ្មោះ អ៊ុក ណារ៉ា ភេទស្រី អាយុ ៣៨ឆ្នាំ ស្នាក់នៅផ្ទះជួល ផ្លូវបេតុង ភូមិបឹងសាឡាង សង្កាត់ឬស្សីកែវ(ភ្ងាក់ងារចាត់ចែង)។ ៣/ឈ្មោះ ធី ធឿន ភេទស្រី អាយុ ៣១ឆ្នាំ ស្នាក់នៅផ្ទះជួល ភូមិ៣ សង្កាត់ច្រាំងចំរេះទី១ ខណ្ឌឬស្សីកែវ(អ្នកលេង)។ ៤/ឈ្មោះ ថា សុខលិន ភេទស្រី អាយុ ៣០ឆ្នាំ ស្នាក់នៅផ្ទះជួល ភូមិគ្រោះ សង្កាត់ព្រែក ព្នៅ ខណ្ឌព្រែកព្នៅ(អ្នកលេង)។ ៥/ឈ្មោះ ម៉ាត់ សាលី ភេទប្រុស អាយុ ៤៥ឆ្នាំ ស្នាក់នៅផ្ទះលេខ១២៧ ផ្លូវជាតិលេខ៥ ភូមិ២ សង្កាត់ច្រាំងចំរេះទី១ ខណ្ឌឬស្សីកែវ(អ្នកលេង)។ ៦/ឈ្មោះ សាមួន សោភ័ណ្ឌភីនីត ភេទស្រី អាយុ ៣០ឆ្នាំ ស្នាក់នៅផ្ទះគ្មានលេខ ផ្លូវជាតិលេខ៥ ភូមិលូ សង្កាត់ស្វាយប៉ាក ខណ្ឌឬស្សីកែវ(អ្នកលេង)។ ៧/ឈ្មោះ សាមួន សោភ័ណ្ឌស្រីពេជ្រ ភេទស្រី អាយុ២៥ឆ្នាំ ស្នាក់នៅផ្ទះគ្មានលេខ ផ្លូវជាតិលេខ៥ ភូមិលូ សង្កាត់ស្វាយប៉ាក ខណ្ឌឬស្សីកែវ(អ្នកលេង)។ ៨/ឈ្មោះ ជា ចំបុី ភេទ ស្រី អាយុ ៣០ឆ្នាំ ស្នាក់នៅផ្ទះគ្មានលេខ ផ្លូវជាតិលេខ៥ ភូមិលូ សង្កាត់ស្វាយប៉ាក ខណ្ឌឬស្សីកែវ(អ្នកលេង)។ ព្រមទាំងវត្ថុតាងដកហូតរួមមាន៖ ១-កុំព្យូទ័រលើតុ ចំនួន ១៣ គ្រឿង; ២-កុំព្យូទ័រយួរដៃ ចំនួន ០៣ គ្រឿង; ៣-ទូរទស្សន៍ ចំនួន ០៤ គ្រឿង; ៤- ម៉ាស៊ីនព្រីន ចំនួន ០១ គ្រឿង; និង៥- ម៉ានស៊ីនព្រីន រីសីប ចំនួន ០២ គ្រឿង។
សមត្ថកិច្ចបញ្ជាក់ថា បច្ចុប្បន្នទីតាំងខាងលើ ត្រូវបានចាក់សោបិទទ្វារបណ្តោះអាសន្ន ចំណែកវត្ថុតាង និងអ្នកពាក់ព័ន្ធទាំងអស់ ត្រូវបានជំនាញកសាងសំណុំរឿងបញ្ជូនបន្តតាមនិតិវិធី៕នាគស 
