បុរសម្នាក់ស្លាប់យ៉ាងអាណោចអាធ័ម នៅស្រុកប្រាសាទបាគង 

ខេត្តសៀមរាប៖ បុរសម្នាក់ស្លាប់យ៉ាងអាណោចអាធ័ម បន្ទាប់ពីជួបគ្រោះថ្នាក់ចរាចរណ៍ នៅក្នុងភូមិសាស្ត្រស្រុកប្រាសាទបាគង កាលពីវេលាម៉ោង០៣ និង ៤០នាទីទាបភ្លឺ ថ្ងៃទី០១ ខែឧសភា ឆ្នាំ២០២៣។

សមត្ថកិច្ចថា បុរសម្នាក់បានស្លាប់យ៉ាងអាណោចអាធ័ម បន្ទាប់ពីម៉ូតូ ហុងដាឌ្រីមព៌ណខ្មៅ ផ្លាកលេខ សៀមរាប 1AN-1760 ដែលគាត់កំពុងបើកបរ ត្រូវបានរថយន្ត កូរ៉េម៉ាកហីយ៉ាន់ ផ្លាកលេខ កំពត 3A-0769 បុកត្រូវពេញទំហឹង។

សមត្ថកិច្ចបន្តថា ហេតុការណ៍អកុសលនេះ កើតឡើងនៅតាមបណ្ដោយផ្លូវជាតិលេខ 6 ត្រង់ចំណុចចន្លោះបង្គោលគីឡូម៉ែត្រ292-293 ស្ថិតក្នុងភូមិរកាកំបុត ឃុំត្រពាំងធំ ស្រុកប្រាសាទបាគង ខេត្តសៀមរាប។

សមត្ថកិច្ចបញ្ជាក់ថា គ្រថ្នាក់បានបណ្ដាលឱ្ឱ្យបុរសម្នាក់ មិនស្គាល់អត្តសញ្ញាណស្លាប់ ខូចម៉ូតូ០១គ្រឿង និងខូចរថយន្ត០១គ្រឿងផងដែរ។ ចំណែកអ្នកបើកបររថយន្ត មិនស្គាល់អត្តសញ្ញាណបានរត់បានស្រមោល បន្ទាប់ពីកើតហេតុ។

សមត្ថកិច្ចបញ្ជាក់បន្ថែមថា មូលហេតុគឺមកពីរថយន្តបើកបរមិនប្រកាន់ស្ដាំមានល្បឿនលឿនខ្វះការប្រុងប្រយ័ត្ន។

បន្ទាប់ពីវាស់វែង សមត្ថកិច្ចនាំយកវត្ថុទៅរក្សាទុកនៅអធិការដ្ឋាននគរបាលស្រុកប្រាសាទបាគង ដើម្បីស្រាវជ្រាវបន្តតាមនីតិវិធី។ ដោយឡែកសពជនរងគ្រោះ កំពុងរកអត្តសញ្ញាណ និងរង់ចាំក្រុមគ្រួសារមកយកទភធ្វើបុណ្យតាមប្រពៃណី។

បញ្ជាក់ថា សមត្ថកិច្ចមិនបានបញ្ជាក់អំពីទិសដៅរបស់ភាគីទាំងពីរនៅឡើយ៕នាគស