ខេត្តសៀមរាប៖ ក្រុងសៀមរាបគឺជាបេះដូងនៃទីក្រុងដ៍អច្ឆរិយៈ សម្បូរទៅដោយប្រាំងប្រាសាទនានា ដែលជាកេរ្តិ៍ដំណែលដ៏អស្ចារ្យ អំពីមហាបុព្វបុរស ដែលបានកសាងទុកជាស្នាដៃ មានវប្បធម៌អរិយធម៌យ៉ាងសម្បូរបែប។
ប្រសិនបើគេរំលឹកអំពីប្រទេសកម្ពុជា ទាំងភ្ញៀវជាតិនិងអន្តរជាតិ និងនឹកដល់ទីក្រុងបុរាណ ដែលមានប្រសាទអង្គរវត្ត និងប្រាសាទដទៃទៀតយ៉ាងច្រើន ដែលពោរពេញទៅដោយភាពអាថ៌កំបាំង នោះគឺស្ថិតនៅក្នុងខេត្តភាគឧត្តរនៃប្រទេសកម្ពុជា គឺខេត្តសៀមរាប។
ថ្មីៗនេះគណៈកម្មការជាតិវាយតម្លៃទីក្រុងស្អាត បានប្រគល់ជ័យលាភី ផ្ការំដួលបីទង ក្នុងចលនាប្រឡងប្រណាំងទីក្រុងស្អាតលេីកទី៣ (២០២២~២០២៥) និងពានរង្វាន់ជ័យលាភី លេខ៣ ទីក្រុងដែលមានពិធីបុណ្យចូលឆ្នាំសកលល្អជាងគេ ប្រចាំឆ្នាំ២០២២ (Best Countdown City of The Year 2022)។
រដ្ឋបាលខេត្តបានធ្វើការថ្លែងអំណរគុណដល់បងប្អូនប្រជាពលរដ្ឋក្នុងខេត្តសៀមរាបដែលបានចូលរួមគាំទ្រ និងចូលរួមនូវសកម្មភាពនានាដែលធ្វេីឱ្យក្រុងសៀមរាបបានក្លាយជាទីក្រុងស្អាត។ ជាមួយគ្នានេះ រដ្ឋបាលខេត្តក៏សូមថ្លែងអំណរគុណដល់ភ្ញៀវទេសចរ ដែលបានអញ្ជើញមកទស្សនាកំសាន្តអំឡុងពេលបុណ្យឆ្លងឆ្នាំសកលផងដែរ៕នាគស
