ខេត្តសៀមរាប៖ ករណីអគ្គីភ័យដោយទុស្សេខ្សែភ្លើង បណ្តាលឲ្យឆេះម៉ូតូ ០៤គ្រឿងក្នុងការ៉ាសជួសជុលម៉ូតូយីហោ ជាង ពេជ្រ នៅចំណុចក្បែរសាលាបឋមសិក្សា ជា ស៊ីម ស្ថិតក្នុងក្រុមទី១២ ភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប កាលពីវេលាម៉ោង ១០ និង ៣០នាទី ថ្ងៃទី៧ ខែមករា ឆ្នាំ២០២៣។
ប្រភពពីសមត្ថកិច្ចឲ្យដឹងថា មានករណីអគ្គីភ័យមួយកើតឡើង បណ្តាលឲ្យឆេះការ៉ាសជួសជុលម៉ូតូយីហោ (ជាង ពេជ្រ) ដែលសង់អំពីឈើ ប្រក់សង្ក័សី។
សមត្ថកិច្ចបន្តថា ម្ចាស់ទីតាំងមានឈ្មោះ សែត ភិរុណ ហៅពេជ្រ ភេទប្រុស អាយុ ៣១ឆ្នាំ។
សមត្ថកិច្ចបញ្ចាក់ថា ក្នុងករណីនេះបណ្តាលឲ្យឆេះខូចខាតម៉ូតូចំនួន ០៤គ្រឿង និងមនុស្សចំនួន០៣នាក់ បានរងរបួស ក្នុងនោះក៍មានម្ចាស់ទីតាំងដែលមាន ឈ្មោះ សែត ភិរុណ ហៅពេជ្រ ផងដែរ។ ហើយមូលហេតុដែលបណ្ដាលឲ្យមានអគ្គីភ័យនេះកើតឡើង គឺដោយសារ ទុស្សេខ្សែភ្លើង។
សូមបញ្ជាក់ថា ក្នុងប្រតិបត្តិការជួយសង្គ្រោះផងដែរកម្លាំងនគរបាលខេត្តសៀមរាប បានដឹកនាំកម្លាំងចុះពន្លត់អគ្គិភ័យនេះដោយប្រើប្រាស់រថយន្តពន្លត់អគ្គីភ័យ នៃស្នងការដ្ឋាននគរបាលខេត្ត ចំនួន ០២គ្រឿង រថយន្តពន្លត់អគ្គិភ័យអាជ្ញាធរជាតិអប្សរា ចំនួន ០២គ្រឿង ទើបគ្រប់គ្រងស្ថានការណ៍អគ្គីភ័យនេះបានទាំងស្រុង ៕នាគស 
