មានករណីគ្រោះថ្នាក់ចរាចរណ៍មួយរវាង រថយន្ត Toyota Highlander ពណ៌ស ផ្លាកលេខភ្នំពេញ 2AH-5637 និង កង់ធ្វើដំណើរស្របទិសគ្នាពី ជើងទៅ ត្បូង លើផ្លូវជាតិលេខ៦២ ត្រង់ចំណុចចន្លោះគីឡូលេខ ៦៦-៦៧ ស្ថិតក្នុងភូមិរំចេក ឃុំរមណីយ ស្រុករវៀង ខេត្តព្រះវិហារ បណ្ដាលឲ្យ លោកតាម្នាក់ឈ្មោះ លោ បិត អាយុ ៧៩ ឆ្នាំ មុខរបរកសិករ រស់នៅភូមិ រំចេក ឃុំរមណីយ ស្រុករវៀង ខេត្តព្រះវិហារ ដែលអ្នកជិះកង់បានបត់ឆ្វេងឆ្លងផ្លូវបណ្ដាលឲ្យរថយន្តបុក នៅវេលាម៉ោង ០៦ និង១៥ នាទីព្រឹកថ្ងៃទី៣០ ខែមីនា ឆ្នាំ២០២៥។
អ្នកបើកបររថយន្តមានឈ្មោះ សុះ សាលីម ភេទ ប្រុស អាយុ ៦១ ឆ្នាំ ជនជាតិ ឥស្លាម រស់នៅភូមិគូលែនត្បូង ឃុំគូលែនត្បូង ស្រុក គូលែន ខេត្តព្រះវិហារ មុខរបរ លក់ដូរ មិនមាន រងរបួសដោយមានអ្នករួមដំណើរ ឈ្មោះ លី ម៉ារី ភេទ ស្រី អាយុ ៥១ ឆ្នាំ ជនជាតិ ឥស្លាម ត្រូវជាប្រពន្ធ, ឈ្មោះ កុត កែវ ភេទ ស្រី អាយុ ២២ ឆ្នាំ ជនជាតិ ឥស្លាម ត្រូវជាកូនប្រសារ, ឈ្មោះ ឈ្មោះ កូប ប៉ារិត ភេទ ប្រុស អាយុ ២៤ ឆ្នាំ ជនជាតិ ឥស្លាម ត្រូវជាកូនបង្កើត, ឈ្មោះ ប៉ារិត អាគីណា ភេទ ស្រី អាយុ ២ ឆ្នាំ ជនជាតិ ឥស្លាម ត្រូវជាចៅ និងឈ្មោះ លី វណ្ណឌី ភេទ ប្រុស អាយុ ៤ ឆ្នាំ ជនជាតិ ឥស្លាម ត្រូវជាចៅ
ដែលអ្នកទាំង ៥ រស់នៅភូមិ គូលែន ឃុំ គូលែន ស្រុក គូលែន ខេត្ត ព្រះវិហារ ។
សមត្ថកិច្ចបញ្ជាក់ថា មូលហេតុដឺលបណ្ដាលឲ្យមានគករោះថ្នាក់ចរាចរណ៍នេះ មកពីអ្នកជិះកង់បទឆ្វេងឆ្លងផ្លូវខ្ចីខ្ចាខ្វះការប្រុងប្រយ័ត្ន។
ក្រោយកើតហេតុ សមត្ថកិច្ចចុះធ្វើការវាស់វែង ប្រមូលវត្ថុតាង បានយកទៅរក្សាទុកនៅអធិការដ្ឋានគរបាលស្រុករវៀង ចំណែកអ្នកបើកបររថយន្ត ក៍ត្រូវបាននាំយកទៅអធិការដ្ឋាន ដើម្បីសាកសួរបន្តផងដែរ៕KD