ខេត្តសៀមរាប ៖ កាលពីថ្ងៃទី១៦ ខែមីនា ឆ្នាំ២០២៥ មានករណីបាតុភូតធម្មជាតិ បង្កើតឲ្យមាន ភ្លៀង រន្ទះបាញ់ និងខ្យល់កន្រ្តាក់នៅក្នុងខេត្តសៀមរាប គិតត្រឹមម៉ោង១៦ និង 30នាទី ដល់ម៉ោង២០ និង ០០នាទីយប់ ដែលទីភ្នាក់ងារសារព័ត៌មានគូលែនដេលី ទទួលបានរបាយការណីបឋម នៅព្រឹកថ្ងៃទី ១៧ ខែមិនាឆ្នាំ២០២៥នេះ មានក្រុង-ស្រុកចំនួន ០៨ ដែលរងផលប៉ះពាល់ ។
ក្រុង-ស្រុកចំនួន ០៨ ដែលរងផលប៉ះពាល់ទាំងនោះមាន៖
១. ក្រុងសៀមរាប រលំស្លាកគណបក្សចំនួន៤, របើកដំបូលផ្ទះ តារាងបាល់ទាត់ សិប្បកម្ម សំយ៉ាប កញ្ចុះ រោងចាំដី រោងប្រជាការពារ សាលាឆទានចំនួន៤៦ខ្នង, រលំដើមឈើ១៨ដើម, ស្លាប់សត្វគោចំនួន ១ក្បាល។
២. ស្រុកពួក រលំផ្ទះចំនួន ៣ខ្នងទាំងស្រុង, របើកដំបូលសំយ៉ាបចំនួន ២៨ខ្នង, របួសមនុស្សចំនួន០២នាក់ស្រាល , ខូចខាតម៉ូតូចំនួន ០១គ្រឿង, រលំស្លាកគណបក្សភ្លើងទានចំនួន១
៣. ស្រុកប្រាសាទបាគង រលំផ្ទះ តូបលក់ដូរ របេីកដំបូលនឹងសំយាប ៥៥ខ្នង , របួសមនុស្ស ៤នាក់ ស្រី ៣នាក់ (របួសធ្ងន់១នាក់ ភេទប្រុស របួសស្រាល៣នាក់)។
៤. ស្រុកជីក្រែង រលំដើមឈើចំនួន ០២ដើម ,ដាច់ខ្សែភ្លើង ធ្វើឲ្យត្រូវអ្នកដំណើរ ០១នាក់រងរបួស។
៥. ក្រុងរុនតាឯក របើកដំបូល និងបាក់សំយាប ចំនួន៦៣ខ្នង។
៦. ស្រុកអង្គរជុំ របើកដំបូល និងបាក់សំយាប ចំនួន៧ខ្នង
៧. ស្រុកស្វាយលើ រលំផ្ទះ របើកដំបូល និងបាក់សំយាប ចំនួន៤ខ្នង នឹងបាក់ដើមឈើចំនួន ៤កន្លែង ដែលក្នុងនោះ វេលាម៉ោង១៥ និង២៥ នាទីរសៀល មានករណីរន្ទះបាញ់ស្លាប់ នៅក្នុងចំការដំឡូងក្នុងភូមិសែនជ័យ ឃុំកន្ទួត ស្រុកស្វាយលើ ខេត្តសៀមរាប មានជនរងគ្រោះ ឈ្មោះ ពិ រិទ្ធីភេទប្រុស អាយុ47ឆ្នាំរស់នៅភូមិសែនជ័យឃុំកន្ទួតស្រុកស្វាយលើខេត្តសៀមរាប ចំណែកមូលហេតុ កំពុងដាំដំឡូងនៅខាងក្រោយខ្ទម។
៨. ស្រុកអង្គរធំ រលំផ្ទះ របើកដំបូល និងបាក់សំយាប ចំនួន១៧ខ្នង។
ទោះបីជាយ៉ាងណា អាជ្ញាធរខេត្តសៀមរាប នៅមិនទាន់បញ្ជាក់អំពីបំរែបំរួល នៃផលប៉ះពាល់នៅឡើងទេ គិតមកដល់ត្រឹមរសៀល ថ្ងៃទី១៧ ខែមិនា ឆ្នាំ២០២៥នេះ៕KD