រាជធានីភ្នំពេញ ៖ សមត្ថកិច្ចបញ្ជាក់ថា នៅវេលាម៉ោង១៩ និង ៤០នាទីយប់ ថ្ងៃទី១៥ ខែមីនា ឆ្នាំ២០២៥ មានករណីអគ្គិភ័យឆេះនៅចំណុច ឃ្លាំងស្តុក និងកែច្នៃជ័រស្វិត ទំហំ ៣០០០ម៉ែត្រការ៉េ រួមទាំងសម្ភារក្នុងឃ្លាំងអស់ទាំងស្រុង ស្ថិតនៅ ភូមិកប់អំបិល សង្កាត់កំបូល ខណ្ឌកំបូល រាជធានីភ្នំពេញ។
សមត្ថកិច្ចដដែលបន្តថា នៅវេលាម៉ោង០១និង៤០នាទីរំលងអាធ្រាត្រ ឈានចូលថ្ងៃទី១៦ ខែ ឆ្នាំដដែល អគ្គិភ័យត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ២០គ្រឿង ប្រេីប្រាស់ទឹកអស់ចំនួន១២០ ឡាន ស្មើនឹង ៥៥០ម៉ែត្រគូប និងរថយន្តជំនួយរួមមាន: VID_20250316_074919_160.mp4
-រថយន្តអគ្គិភ័យក្រសួងមហាផ្ទៃ ចំនួន០៤គ្រឿង ប្រើប្រាស់អស់ចំនួន ០៨ឡាន ស្មើនឹង ៣២ម៉ែត្រគូប ។
-រថយន្តអគ្គិភ័យកងពលតូចលេខ៧០ ចំនួន ០៦គ្រឿង ប្រើប្រាស់អស់ចំនួន ១៦ឡាន ស្មើនឹង ១៦០ម៉ែត្រគូប ។
-រថយន្តអគ្គិភ័យទ័ពពិសេស៩១១ ចំនួន ០២គ្រឿង ប្រើប្រាស់អស់ចំនួន ០៦ឡាន ស្មើនឹង ២៤ម៉ែត្រគូប ។
រថយន្តអគ្គិភ័យទីក្រុងកោះពេជ្រ ចំនួន០២គ្រឿង ប្រើប្រាស់អស់ចំនួន ០៦ឡាន ស្មើនឹង ៣៦ម៉ែត្រគូប ។
-រថយន្តអគ្គិភ័យក្រមហ៊ុនស្រាបៀរកម្ពុជា ចំនួន០១គ្រឿង ប្រើប្រាស់អស់ចំនួន ០២ឡាន ស្មើនឹង ១២ម៉ែត្រគូប ។
-រថយន្តអគ្គិភ័យទីក្រុងជ្រោយចង្វារ ចំនួន០៣គ្រឿង ប្រើប្រាស់អស់ចំនួន ០៩ឡាន ស្មើនឹង ៥៤ម៉ែត្រគូប ។
-រថយន្តអគ្គិភ័យបុរីសង្ឃឹមថ្មី ចំនួន០៣គ្រឿង ប្រើប្រាស់អស់ចំនួន ០៦ឡាន ស្មើនឹង ២៤ម៉ែត្រគូប ។
-រថយន្តអគ្គិភ័យសួរឧស្សាហកម្មកាណាឌីយ៉ា ចំនួន០១គ្រឿង ប្រើប្រាស់ទឹកចំនួន ០២ឡាន ស្មើនឹង ១២ម៉ែត្រគូប ។
-រថយន្តអគ្គិភ័យអធិការស្រុកអង្គស្នួល ចំនួន០១គ្រឿង ប្រើប្រាស់អស់ចំនួន ០២ឡាន ស្មើនឹង ១២ម៉ែត្រគូប ។
-រថយន្តអគ្គិភ័យរដ្ឋបាលខណ្ឌកំបូល ចំនួន០១គ្រឿង ប្រើប្រាស់អស់ចំនួន ០១ឡាន ស្មើនឹង ០៦ម៉ែត្រគូប។
សមត្ថកិច្ចបន្ថែមថា បច្ចុប្បន្នសមត្ថកិច្ចជំនាញកំពុងស៊ើបអង្កេត ស្រាវជ្រាវ រកមូលហេតុដែលបណ្ដាលឲ្យកើតមានឡើងអគ្គិភ័យដ៍អាក្រក់មួយនេះ៕ កណ្ដុរតូច