ខេត្តសៀមរាប ៖ ចៅរបស់ម្ចាស់ផ្ទះ បានសាកថ្មកុំព្យូទ័រទុកចោលនៅលើពូក ក៍បង្កជាអគ្គិភ័យឆេះផ្ទះមួយខ្នង ដែលមានម្ចាស់ឈ្មោះ ខូវ សុខអេង ភេទស្រី អាយុ៦៨ឆ្នាំ ស្ថិតក្នុងភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប នៅវេលាម៉ោង១៣ និង ៤០នាទី ថ្ងៃទី០៣ ខែមីនា ឆ្នាំ២០២៤។
ករណីអគ្គិភ័យនេះបានបណ្ដាលឲ្យខូចខាតផ្ទះ០១ខ្នងប្រហែល៣០% ឆេះអត្តសញ្ញាណបណ្ណ ឈ្មោះ ភិន សៀវម៉េង ០១សន្លឹក ទូរសព្ទ ០១គ្រឿង កុំព្យូទ័រ ០១គ្រឿង ម៉ាសុីនត្រជាក់ កង្ហារ និង ទូរដាក់ខោអាវ។ល។
ក្នុងប្រតិបត្តិការបង្កនិងពន្លត់អគ្គីភ័យខាងលើ សមត្ថកិច្ចបានប្រើប្រាស់រថយន្តពន្លត់អគ្គិភ័យចំនួន០៥គ្រឿង ប្រើប្រាស់ទឹកអស់ ចំនួន០៣ទ្បាន ដោយក្នុងនោះមានរថយន្តពន្លត់អគ្គិភ័យ នៃស្នងការដ្ឋាននគរបាលខេត្តសៀមរាប ចំនួន០៣គ្រឿង ប្រើប្រាស់ទឹកអស់ ចំនួន០១ទ្បាន រថយន្តពន្លត់អគ្គិភ័យ នៃអាជ្ញាធរជាតិអប្សរា ចំនួន០២គ្រឿង ប្រើប្រាស់ទឹកអស់ចំនួន០២ទ្បាន និងបានរលត់វិញជាស្ថពរនៅវេលាម៉ោង១៤ និង ១០នាទីថ្ងៃដដែល៕KD