Friday, April 4, 2025

អគ្គីភ័យលេបត្របាក់ផ្ទះមួយខ្នងនៅនគរក្រៅ ឆេះលុយ៣ពាន់ដុល្លារ មាស១,៥ តម្លឹង និងឯកសារជាច្រើន(វីដេអូ) 

ខេត្តសៀមរាប ៖ យោងតាមប្រភពបានឲ្យដឹងថា នៅព្រឹកថ្ងៃទី២៧ ខែកុម្ភៈ ឆ្នាំ២០២៥ វេលាម៉ោង០៨ និង ០០នាទី មានករណីភ្លើងឆេះផ្ទះប្រជាពលរដ្ឋអស់ចំនួន ០១ខ្នង ផ្ទះជញ្ជាំងកឥដ្ឋ គ្រោងឈើប្រក់សង្ក័សី ស្ថិតនៅភូមិនគរក្រៅ សង្កាត់គោគចក ក្រុងសៀមរាប ខេត្តសៀមរាប។

ប្រភពបានបន្តឲ្យដឹងថា ករណីនេះបានបណ្តាលឲ្យរងការខូចខាត ផ្ទះចំនួន០១ខ្នង ទំហំ០៥,៣០x០៨,៣០ម៉ែត្រ លុយ៣០០០$(បីពាន់ដុល្លារ) មាស១ដំទ្បឹង៥ជី (រកឃើញវិញក្រោយពន្លត់ភ្លើង) សៀវភៅស្នាក់នៅ សៀវភៅគ្រួសារ សំបុត្រកំណើត អត្តសញ្ញាណបណ័្ណ បណ័្ណ ប ស ស មុង ភួយ ខ្នើយ។ល។ប្រភពបញ្ជាក់ថា មូលហេតុដែលបណ្ដាលឲ្យមានអគ្គិភ័យនៅកើតឡើងគឺមកពី មានការឆ្លងចរន្តអគ្គិសនី។

ក្នុងប្រតិបត្តិការបង្ការនិងពន្លត់អគ្គីភ័យខាងលើ សមត្ថកិច្ច បានប្រើប្រាស់រថយន្តពន្លត់អគ្គិភ័យចំនួន០៤គ្រឿង ប្រើប្រាស់ទឹកអស់ ចំនួន០២ទ្បាន ដោយមានរថយន្តពន្លត់អគ្គីភ័យ របស់ស្នងការដ្ឋាននគរបាលខេត្តសៀមរាប ចំនួន០២គ្រឿង ប្រើប្រាស់ទឹកអស់ ចំនួន០១ទ្បាន រថយន្តពន្លត់អគ្គិភ័យ នៃអាជ្ញាធរជាតិអប្សរា ចំនួន០២គ្រឿង ប្រើប្រាស់ទឹកអស់ចំនួន០១ទ្បាន និងពន្លត់ភ្លើងទៅវិញនៅវេលាម៉ោង០៩ និង០០នាទី៕KD

ព័ត៌មានពេញនិយម