ខេត្តសៀមរាប ៖ កាលពីវេលាម៉ោង ២៣ និង ៣០នាទី ថ្ងៃទី២៦ ខែកុម្ភះ ឆ្នាំ២០២៥ មានករណីអគ្គិភ័យភ្លើងឆេះផ្ទះ នៅចំណុចស្ថិតនៅក្នុងភូមិតាទក ឃុំពួក ស្រុកពួក ខេត្តសៀមរាប។
ប្រភពបានឲ្យដឹងថា ជនរងគ្រោះជាម្ចាស់ផ្ទះឈ្មោះ តាន់ ប៊ុនធន់ ហៅ ឡោ ឡាយ ភេទប្រុស អាយុ៥២ឆ្នាំ មុខរបរ នគរបាល តួនាទីជានាយប៉ុស្ដិ៍នគរបាលរដ្ឋបាលល្វា នៃអធិការដ្ឋាននគរបាលស្រុកពួក ខេត្តសៀមរាប ។ប្
រភពបានបន្តថា ហេតុការណ៍នេះបណ្ដាលឲ្យ ឆេះអស់ផ្ទះ ១ខ្នង ប្រភេទផ្ទះឈើលើបន្ទប់ថ្មក្រោម ជញ្ជាំងក្ដារ ដំបូលក្បឿង សំយ៉ាបស័ង្កសី ទំហំទទឹង០៩ម៉ែត្រ គុណ បណ្ដោយ១២ម៉ែត្រ ឆេះទាំងស្រុង ក្នុងនោះខូចខាតទ្រព្យសម្បត្តិ មានសំលៀកបំពាក់ សម្ភារៈប្រើប្រាស់ និង ប្រាក់មួយចំនួន ពុំគ្រោះថ្នាក់ដល់មនុស្សនោះទេ ។
ប្រភពបញ្ជាក់ថា មូលហេតុដែលបណ្តាលឲ្យមានអគ្គិភ័យនាក់ឡើងគឺមកពី ទុស្សេខ្សែរភ្លើង។
សូមជម្រាបជូនថា កម្លាំងសមត្ថកិច្ចបានចុះជួយអន្តរាគមន៍ ដោយប្រើប្រាស់រថយន្តពន្លត់អគ្គីភ័យរបស់ស្នងការរដ្ឋាននគរបាលខេត្តសៀមរាប ចំនួន២ គ្រឿង បានប្រើប្រាស់អស់ទឹកចំនួន ២ ឡាន និងប្រើប្រាស់រថយន្តពន្លត់អគ្គិភ័យ នៃអធិការដ្ឋាននគរបាលស្រុកពួកចំនួន ១ គ្រឿង ប្រេីប្រាស់ទឹកអស់ចំនួន០២ឡាន រហូតដល់វេលាម៉ោង០០ និង៥០នាទី ទើបរលត់វិញទាំងស្រុង៕KD