រថយន្តដឹកកម្មករទៅបេះផ្លែស្វាយបានបុកជាមួយរថយន្តដឹកគ្រឿងសង្ហារឹមបណ្ដាលឲ្យក្រឡាប់ធ្លាក់ចេញពីផ្លូវ ស្លាប់និងរបួសជាច្រេីននាក់

ខេត្តកំពង់ស្ពឺ ៖ សមត្ថកិច្ចបានឲ្យដឹងថា កាលពីវេលាម៉ោង១៦ និង៤០នាទី ថ្ងៃទី២០ ខែឆ្នូ ឆ្នាំ២០២៤ នៅចំណុចលើផ្លូវជាតិលេខ៤៤ ត្រង់ចន្លោះបង្គោលគីឡូម៉ែត្រលេខ៣៧-៣៨ ស្ថិតនៅក្នុងភូមិមនោរម្យ ឃុំហោងសំណំ ស្រុកឱរ៉ាល់ ខេត្តកំពង់ស្ពឺ មានករណីគ្រោះថ្នាក់ចរាចរណ៍រវាងរថយន្ត និងរថយន្ដ ក្នុងនោះរថយន្តដឹកកម្មករទៅបេះផ្លែស្វាយបានប៉ះជាមួយរថយន្តដឹកគ្រឿងសង្ហារិមដឹកគ្រែតុទូឈេីដេីរលក់ បណ្ដាលឱ្យគ្រោះថ្នាក់ក្រឡាប់រថយន្តដឹកកម្មករបេះផ្លែស្វាយធ្លាក់ចេញពីផ្លូវបណ្ដាលឱ្យរងរបួសមនុស្សជាច្រេីននាក់រហូតមានអ្នកស្លាប់បាត់បង់ជីវិតម្នាក់ផងដែរ។ សមត្ថកិច្ចបន្តថា សមត្ថកិច្ចនគរបាលចរាចរណ៍ នៃអធិការដ្ឋាននគរបាលស្រុកឱរ៉ាល់ បានចុះអន្ដរាគមន៍ជួយសម្រួលនីតិវិធី និងសង្រ្គោះអ្នករបួសបញ្ជូនទៅមន្ទីរពេទ្យ រីឯអ្នកស្លាប់បានតំកល់ទុកជូនសាច់ញាតិមកទទួលយកទៅធ្វេីបុណ្យតាមប្រពៃណីសាសនា។

សមត្ថកិច្ចបញ្ជាក់ថា ករណីគ្រោះថ្នាក់ខាងលេីយោងតាមមន្រ្ដីនគរបាលចរាចរណ៍ចុះផ្ទាល់ថារថយន្ត០១គ្រឿង ម៉ាក HYUNDAI MIGHTY ពណ៌ស មានផ្លាកលេខភ្នំពេញ 3F-5022 អ្នកបើកបរមិនស្គាល់អត្តសញ្ញាណ(រត់គេចខ្លួន ក្រោយជួបគ្រោះថ្នាក់ ដោយមានអ្នករួមដំណើរប្រមាណ ១០នាក់ អ្នករងរបួសរួមមាន៖

១-ឈ្មោះ វីង ធីដាវ ភេទប្រុស អាយុ 52ឆ្នាំ ជនជាតិវៀតណាម(បាក់ជើងខាងស្ដាំ) ឃុំថ្មគោល ស្រុកល្វាឯម ខេត្តកណ្ដាល

២-ឈ្មោះ ទុំ ចិន្ថា ភេទប្រុស អាយុ 49 ឆ្នាំ(របួសស្រាល) ឃុំព្រែកតាស ស្រុកពោធិរៀង ខេត្តព្រៃវែង

៣-ឈ្មោះ ពុធ សំណាង ភេទប្រុស អាយុ 18ឆ្នាំ

៤-ឈ្មោះ ជា ហេង ភេទប្រុស អាយុ63 ឆ្នាំ(របួសស្រាល)

៥-ឈ្មោះ ឆាយ សយ ភេទប្រុស អាយុ 52ឆ្នាំ(របួសស្រាល)

៦-ឈ្មោះ ពុំ ពឿន ភេទប្រុស អាយុ 44 ឆ្នាំ(របួសស្រាល)

៧-ឈ្មោះ សុន ផល្លា ភេទប្រុស អាយុ 32 ឆ្នាំ(របួសស្រាល)

៨-ឈ្មោះ ទុំ ដានី ភេទប្រុស អាយុ 20 ឆ្នាំ(របួសស្រាល)

៩-ឈ្មោះ គង់ សារ៉ុង ភេទប្រុស អាយុ 24ឆ្នាំ(របួសស្រាល)

១០-ឈ្មោះ សែង ដានុន ភេទប្រុស អាយុ 19ឆ្នាំ (របួសស្រាល)។

តាមសាក្សីដែលឋិតក្នុងហេតុការណ៍ បញ្ជាក់ រថយន្តបើកបរក្នុងទិសដៅពីកើតទៅទិសខាងលិច បើកបរបញ្រ្ចាស់ទិសគ្នា លុះមកដល់ចំណុចកើតហេតុខាងលើរថយន្តបែកកង់ រួចជ្រុលទៅបុករថយន្ត០១គ្រឿងម៉ាកHYUNDAI ពណ៍ខៀវ លេខ កំពង់ស្ពឺ 2A-4502 ទេីបក្រឡាប់តែម្ដង ឈ្មោះ វ៉ន ឆេន ភេទប្រុស អាយុ៤៨ឆ្នាំ អ្នកបើកបរ(របួសស្រាល) អ្នករួមដំណើរម្នាក់ឈ្មោះ ម៉ក់ ដា ភេទស្រី អាយុ៣៨ឆ្នាំ (ស្លាប់ភ្លាមៗនៅកន្លែងកើតហេតុ ជាប្រពន្ធអ្នកបេីកបរ) រស់នៅភូមិព្រៃផ្តៅ ឃុំព្រៃក្រសាំង ស្រុកសាមគ្គីមុនីជ័យ ខេត្តកំពង់ស្ពឺ (ស្រុកបំបែកពីស្រុកឧដុង្គ)។

បច្ចុប្បន្នសមត្ថកិច្ចនគរបាល បានធ្វើការស្ទួចយករថយន្ដខាងលេីមករក្សាទុកនៅអធិការដ្ឋាននគរបាលស្រុកឱរ៉ាល់ ដេីម្បីបន្ដនីតិវិធីកសាងសំណុំរឿងបញ្ជូនទៅការិយាល័យចរាចរណ៍ផ្លូវគោក បន្ដ៕ លោក កណ្ដុររាត្រី

ប្រភព៖ ស្នងការដ្ឋាននគរបាលខេត្ដកំពង់ស្ពឺ