កូនតិរច្ឆាននាំបក្ខពួកមកលួចម៉ូតូក្នុងផ្ទះហើយយកកាំបិតកាប់ឪពុកបង្កើតរបស់ខ្លួនថែមទៀត

ខេត្តកំពង់ស្ពឺ ៖ កាលពីវេលាម៉ោង ០១ និង ១៥ នាទី រំលងអធ្រាត្រ ឈានចូល ថៃ្ងទី ២៦ តុលា ២០២៤ កន្លងទៅ នៅក្នុងភូមិសាស្ត្រភូមិស្រែកក់ ឃុំរលាំងចក ស្រុកសំរោងទង ខេត្តកំពង់ស្ពឺ សមត្ថកិច្ចឃាត់ខ្លួនកូនតិរច្ឆាន ដែលនាំបក្ខពួកចូលលួចម៉ូតូ Honda Dream C១២៥ ពណ៌ខ្មៅ សេរីឆ្នាំ២០០៨ ឡើងតែម ២០១៥ ផ្លាកលេខ កំពង់ស្ពឺ 1C-6908 របស់ឪពុកបង្កើត ដល់ក្នុងផ្ទះរួចកាប់ឪពុកត្រូវមួយកាំបិតឱ្យរងរបួសចូលពេទ្យសង្រ្គោះបន្ទាន់។ សមត្ថកិច្ចបានឱ្យដឹងថា បុរសដែលជាម្ចាស់ម៉ូតូ មានឈ្មោះ ញៀន តុល ភេទ ប្រុស អាយុ ៤៥ឆ្នាំ

រស់នៅកន្លែងកើតហេតុ ព្រោះតែចង់ការពារទ្រព្យសម្បត្តិរបស់ខ្លួន ដែលក្រុមជនសង្ស័យ(កូនបង្កើតនិងបក្ខពួក) កំពុងធ្វើសកម្មភាពលួច ក៍ត្រូវបានកូនកាប់មួយកាំបិតចំក្បាលផ្នែកខាងលេីចិញ្ចេីម។
សមត្ថកិច្ចបន្ថែមថា នៅចំពោះមុខសមត្ថកិច្ចជំនាញ ជនសង្ស័យដែលជាកូនចិត្តតិរច្ឆាន មាន ឈ្មោះ តោ ភក្រ្តា ភេទប្រុស អាយុ ២២ឆ្នាំ បានសារភាពថា ខ្លួននិងបក្សពួក ២នាក់ទៀត ពិតជាបានចូលទៅលួចយកម៉ូតូរបស់ឪពុកខ្លួនប្រាកដមែន ដោយបក្ខពួកជាអ្នកធ្វេីសកម្មភាព ក៍ត្រូវឪពុកបង្កើត របស់ខ្លួនបានភ្ញាក់ដឹងខ្លួនទាន់ និងបានមកទាញចាប់ម៉ូតូមកវិញ ពេលនោះដេីម្បីកុំអោយខូចផែនការ ជនសង្ស័យបានទាញកាំបិតកាប់លេីលោកឪពុកតែម្ដង រួចឱ្យបក្ខពួក ដែលទី១ មានឈ្មោះ សុិន សាម៉េត ហៅ ហួ ភេទប្រុស អាយុ២១ឆ្នាំ (គេចខ្លួន) និងទី២ មានឈ្មោះ ផល ឆើត ហៅ ប៉ៃ ភេទប្រុស អាយុ ១៨ឆ្នាំ(ឃាត់ខ្លួនបាន) រស់នៅភូមិស្រែកក់ ឃុំរលាំងចក ស្រុកសំរោងទង យកម៉ូតូចេញផុតពីទីកន្លែងកេីតហេតុគេចបាត់ ។
សមត្ថកិច្ចបញ្ជាក់ថា បច្ចុប្បន្នជនសង្ស័យ ត្រូវបានជំនាញកំពុងកសាងសំណុំរឿងបញ្ជួនបន្ត ចំនែកអ្នកពាក់ព័ន្ធកម្លាំងកំពុងស្វែងរក ដើម្បីយកមកចាត់ការតាមនីតិវិធី៕ លោក កណ្ដុររាត្រី