ខេត្តកំពង់ស្ពឺ ៖ នៅវេលាម៉ោង ១០ និង ០៥នាទី ថ្ងៃទី២៥ ខែតុលា ឆ្នាំ២០២៤ ដោយអនុវត្តតាមបទបញ្ជាយ៉ាងមុឺងម៉ាត់របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ កម្លាំងជំនាញមន្ទីរស្រាវជ្រាវ និងបង្ក្រាបបទល្មើស នៃកងរាជអាវុធហត្ថខេត្ត សហការជាមួយកម្លាំងកងរាជអាវុធហត្ថក្រុងច្បារមន បានចាប់ឃាត់ខ្លួនជនសង្ស័យចំនួន០៥នាក់ ដែលពាក់ព័ន្ធករណីដឹកជញ្ជូន ចែកចាយ ដោយខុសច្បាប់នូវសារធាតុញៀន ត្រង់ចំណុចភូមិពាណិជ្ជកម្ម សង្កាត់រកាធំ ក្រុងច្បារមន ខេត្តកំពង់ស្ពឺ។ 
ប្រភពថា ក្នុងប្រតិបត្តិការនេះ កម្លាំងបានធ្វើការឃាត់ខ្លួនជនសង្ស័យ ០៥នាក់ រួមមាន ៖ ទី១_ឈ្មោះ គង់ ចាន់រតនៈវង្ស ភេទប្រុស អាយុ២៨ឆ្នាំ មុខរបរ លាងម៉ូតូ រស់នៅភូមិពាណិជ្ជកម្ម សង្កាត់រកាធំ ក្រុង ច្បារមន។ ទី២_ឈ្មោះ ហួរ គីមម៉េង ភេទប្រុស អាយុ២៣ ឆ្នាំ មុខរបរ មិនពិតប្រាកដ រស់នៅភូមិរំលង សង្កាត់សុព័រទេព ក្រុងច្បារមន។ ទី៣_ឈ្មោះ នុយ ភារះ ភេទប្រុស អាយុ៣១ឆ្នាំ មុខរបរ លាងម៉ូតូ រស់នៅភូមិ បុរីកម្មករ សង្កាត់ រកាធំ ក្រុង ច្បារមន ខេត្តកំពង់ស្ពឺ។ ទី៤_ឈ្មោះ ឆុម គុណវឌ្ឍន៏ ភេទប្រុស អាយុ២៧ឆ្នាំ មុខរបរ លាងម៉ូតូ រស់នៅភូមិ ត្រពាំងលើក សង្កាត់ រកាធំ ក្រុង ច្បារមន ខេត្តកំពង់ស្ពឺ និង ទី៥_ឈ្មោះ កែវ ណេត ភេទប្រុស អាយុ១៨ឆ្នាំ មុខរបរ លាងម៉ូតូ រស់នៅភូមិ ពេជ្រមុន្នី ឃុំ ពេជ្រមុន្នី ស្រុក គងពិសី ខេត្តកំពង់ស្ពឺ។
ប្រភពបន្តថា ហូតវត្ថុតាងដែលដកហូតបានរួមមាន៖ ម៉ូតូចំនួន៣គ្រឿង និងក្រាមពណ៍សថ្លាសង្ស័យជាសារធាតុញៀនចំនួន១៤កញ្ចប់ (តូច ១១កញ្ចប់,ធំ៣កញ្ចប់)។
ប្រភពបន្តថា បច្ចុប្បន្នជនសង្ស័យខាងលើ កម្លាំងជំនាញ នៃកងរាជអាវុធហត្ថខេត្តកំពង់ស្ពឺ បាននិងកំពុងធ្វើការសាកសួរ ដើម្បីក៍សាងសុំនុំរឿងបន្តតាមនិតិវិធី៕ លោក កណ្ដុររាត្រី