កម្លាំងអាវុធហត្ថ បង្ក្រាបករណីរក្សាទុក និងជួញដូដោយខុសច្បាប់នូវសារធាតុញៀន នៅឃុំសែនដី ស្រុកសំរោងទង

ខេត្តកំពង់ស្ពឺ ៖ កាលពីវេលាម៉ោង ១៣ និង ០០នាទី ថ្ងៃទី ២៤ ខែកញ្ញា ឆ្នាំ២០២៤ កន្លងទៅ មានអនុវត្តតាមបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ កម្លាំងជំនាញមន្ទីរស្រាវជ្រាវនិងបង្ក្រាបបទល្មើសកងរាជអាវុធហត្ថខេត្ត សហការជាមួយកម្លាំងកងរាជអាវុធហត្ថក្រុងច្បារមនបានចាប់ខ្លួនជនសង្ស័យចំនួន០២នាក់ ពាក់ព័ន្ធករណីដឹកជញ្ជូនចែកចាយដោយខុសច្បាប់នូវសារធាតុញៀន នៅចំណុចភូមិព្រៃស្យា ឃុំសែនដី ស្រុកសំរោងទង ខេត្តកំពង់ស្ពឺ។ ប្រភពបានឱ្យដឹងថា ជនសង្ស័យចំនួន០២នាក់ ដែលកម្លាំងបានចាប់ខ្លួននោះមាន ៖ ទី១.ឈ្មោះ ផេង ផាណា ភេទប្រុស អាយុ១៨ឆ្នាំ មុខរបរ មិនពិតប្រាកដ រស់នៅភូមិព្រៃស្យា ឃុំសែនដី ស្រុកសំរោងទង និង ទី២.ឈ្មោះ មាស ផានិត ភេទប្រុស អាយុ១៨ឆ្នាំ មុខរបរ មិនពិតប្រាកដ រស់នៅភូមិព្រៃស្យា ឃុំសែនដី ស្រុកសំរោងទង ប្រភពបន្តថា ក្នុងប្រតិបត្តិការនេះ ដកហូតវត្ថុតាងរួមមាន ៖ ម៉ូតូចំនួន២គ្រឿង និងក្រាមពណ៍សថ្លាសង្ស័យជាសារធាតុញៀនចំនួន៥កញ្ចប់តូច ។ប្រភពបានបញ្ជាក់ថា បច្ចុប្បន្នក្រុមជនសង្ស័យរួមនិងវត្ថុតាងត្រូវបញ្ជូនមកបញ្ជាការដ្ឋានកងរាជអាវុធហត្ថខេត្តដើម្បីបន្តនីតិវិធីច្បាប់៕ កណ្ដុររាត្រី