ខេត្តកំពង់ស្ពឺ ៖ បង្រ្កាបទីតាំងប្រមូលផ្តុំអ្នកប្រើប្រាស់គ្រឿងញៀន និងរក្សាទុកដោយខុសច្បាប់នូវសារធាតុញៀន នៅចំណុចភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ និងឃាត់ខ្លួនមុខ សញ្ញាបានចំនួន ១០នាក់ និងដកហូតវត្ថុតាងម្សៅក្រាមព័ណ៌សរថ្លាសង្ស័យជាគ្រឿងញៀនមួយចំនួន នៅវេលាម៉ោង ១៥ និង ២០នាទីថ្ងៃទី២៤ ខែតុលា ឆ្នាំ២០២៤ នេះ។
ប្រភពបានឱ្យដឹងថា ដោយមានការដឹកនាំសម្របសម្រួលដោយលោក ឈៀវ គីមហាក់ ព្រះរាជ អាជ្ញារងអមសាលាដំបូងខេត្តកំពង់ស្ពឺ និងមានការចង្អុលដឹកនាំពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ត កម្លាំងផ្នែកប្រឆាំងគ្រឿង ញៀនស្រុក បានធ្វើការបង្រ្កាបទីតាំងប្រមូលផ្តុំអ្នកប្រើប្រាស់គ្រឿងញៀន និងរក្សាទុកដោយខុសច្បាប់នូវសារធាតុញៀន នៅចំណុចភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ និងឃាត់ខ្លួនមុខសញ្ញាបានចំនួន ១០នាក់។
ប្រភពដដែលបានបន្តថា ជនសង្ស័យទាំងនោះមាន ទី១.ឈ្មោះ លី សាមឌី ភេទប្រុស អាយុ ៣៨ឆ្នាំ នៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ។ ទី២.ឈ្មោះ តុល កក្កដា ភេទប្រុស អាយុ ១៤ឆ្នាំ នៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ។ ៣.ឈ្មោះ ឈុន ឧត្តម ភេទប្រុស អាយុ ១៦ឆ្នាំ នៅភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្តាល ។ ៤.ឈ្មោះ ភឹម សូវៀត (ខ្លា) ភេទ ប្រុស អាយុ ២២ឆ្នាំ នៅភូមិក្រាំងរលួស ឃុំរលាំងកែន ស្រុកកណ្តាលស្ទឹង ខេត្ត កណ្តាល។ ៥.ឈ្មោះ លឹម វិឆ្ឆ័យ ភេទប្រុស អាយុ ២៦ឆ្នាំ នៅភូមិត្រ ពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ ។ ទី៦.ឈ្មោះ សាំង សំណាង ភេទប្រុស អាយុ ២៤ឆ្នាំ នៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ។ ទី៧.ឈ្មោះ រឿន ម៉ារ៉ុត ភេទប្រុស អាយុ ២៥ឆ្នាំ នៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ។ ទី៨.ឈ្មោះ ប៉ុង ប៉េង ភេទប្រុស អាយុ ២៩ឆ្នាំ នៅភូមិពងទឹក ឃុំដំណាក់អំពិល ស្រុកអង្គស្នួល ខេត្តកណ្តាល ។ ទី៩.ឈ្មោះ ជា វិវ៉ាត់ ភេទប្រុស អាយុ ២៤ឆ្នាំ នៅភូមិពងទឹក ឃុំដំណាក់អំពិល ស្រុកអង្គស្នួល ខេត្តកណ្តាល និង ទី១០.ឈ្មោះ ឡាំ ចាន់ធឿន ភេទប្រុស អាយុ ៣៣ឆ្នាំ នៅភូមិអង្គតាឡឹក ឃុំសំបូរ ស្រុកសំរោងទង ខេត្តកំពង់ស្ពឺ ហើយដកហូតវត្ថុតាងសរុបមាន ៖ ម្សៅក្រាមព័ណ៌សរថ្លាសង្ស័យជាគ្រឿងញៀនចំនួន ៦កញ្ចប់តូច ទូរស័ព្ទដៃ ៦គ្រឿង ។
ប្រភពបញ្ជាក់ថា ករណីនេះសមត្ថកិច្ចជំនាញបាននិងកំពុងធ្វើការសាកសួដើម្បីចាត់ការតាមនីតិវីធី ៕ លោក កណ្ដុររាត្រី