ខេត្តកណ្តាល ៖ បុរសម្នាក់ក្រោយផឹកស្រាស្រវឹង និងជាមនុស្សប្រើប្រាស់គ្រឿងញៀន ហ៊ានចាប់រំលោភសន្ថវៈ ប្អូនថ្លៃស្រី ក្រោយបញ្ឆោត ប្អូនប្រុសបង្កើតរបស់ខ្លួន ដែលជាប្តីស្ត្រីរងគ្រោះ អោយឌុបក្លើម្នាក់ ជាដៃគូផឹកស៊ីជាមួយគ្នា ទៅផ្ទះ ហើយជនសង្ស័យឈ្លៀតឱកាស ចូលផ្ទះចាប់រំលោភ ប្អូនថ្លៃស្រីបានសម្រេច នៅចំណុចផ្ទះស្ត្រីរងគ្រោះក្នុងភូមិ អង្គ ឃុំក្រាំងយ៉ូវ ស្រុកស្អាង ខេត្តកណ្តាល វេលាម៉ោង ២២ និង ២០នាទីយប់ថ្ងៃទី១០ខែតុលាឆ្នាំ២០២៤។
លោកវរសេនីយ៏ឯក រស់ ចាន់ថា អធិការនគរបាលស្រុកស្អាងបានប្រាប់អោយដឹងថា ស្ត្រីរងគ្រោះមានឈ្មោះ ឃ.ច.ធ អាយុ ៤៣ឆ្នាំ ជនជាតិខ្មែរ មុខរបរកសិករ មានទីលំនៅក្នុងភូមិឃុំខាងលើ ( ជាប្អូនថ្លៃស្រី) ចំនែកជនសង្ស័យ ឈ្មោះ មាន វិសិដ្ធ អាយុ ២៩ឆ្នាំ ( ជាបងប្រុសថ្លៃស្ត្រីរងគ្រោះ ) ជនជាតិខ្មែរ គ្មានមុខរបរពឹតប្រាកដ វិជ្ជមានសារធាតុញៀន និងរស់នៅ ក្នុងភូមិឃុំកើតហេតុដែរ ។
លោកអធិការបានបញ្ជាក់ប្រាប់យ៉ាងលម្អិតថា ជនសង្ស័យធ្លាប់ជាប់ពន្ធនាគារខេត្តកណ្តាល ចំនួន០១លើក ពីបទធ្វើអោយខូចខាតដោយចេតនា និងប្រើប្រាស់នូវសារធាតុញៀន ។
លោកអធិការ បានបញ្ជាក់យ៉ាងលម្អិតថា វេលាម៉ោង២១ និង២០នាទី មុនពេលកើតហេតុ ជនសង្ស័យបានមកពីផឹកស្រាវិញ ដើរចូលក្នុងផ្ទះបើកមុង ដោយ លើកកូនប្រុសតូច របស់ស្ត្រីរងគ្រោះឲ្យដេកទៅម្ខាង ហើយបាននិយាយប្រាប់ទៅស្ត្រីរងគ្រោះថា ខ្លួនអត់ធ្វើអីទេ បើសិនចង់ធ្វើអី ធ្វើយូរហើយមិនបាច់ខ្លាចទេ។ បន្ទាប់មកជនសង្ស័យបានដើរចុះដើរឡើងមួយសន្ទុះ ក៏ ប្រើល្បិច អោយប្អូនប្រុសបង្កើត ដែលជាប្តីរបស់ស្ត្រីរងគ្រោះ ជូន ក្លើម្នាក់ដែលជាដៃគូផឹកស៊ីជាមួយជនសង្ស័យ អោយជូនទៅផ្ទះផង។ ក្រោយប្អូនប្រុសចេញទៅផុត ជនសង្ស័យក៏បានឧកាសចូលទៅក្នុងផ្ទះស្ត្រីរងគ្រោះ ដោយទៅបើកមុងចូលទៅដេក ជាមួយជនរងគ្រោះម្ដងទៀត ព្រមទាំងបានធ្វើសកម្មភាពយកដៃសើយរ៉ូបរបស់ជនរងគ្រោះ រួចបានធ្វើសកម្មភាពរំលោភស្ត្រី រងគ្រោះបានសម្រេចតែម្ដង ដោយសារជនរងគ្រោះភ័យខ្លាច មានគ្រោះថ្នាក់ដល់អាយុជីវិត ទើបខ្លួនមិនហ៊ានស្រែក និងឈ្លោះប្រកែកអ្វីទេ។
លុះព្រឹកឡើងថ្ងៃទី១១ ខែតុលា ឆ្នាំ២០២៤ ជនរងគ្រោះ ក៏បានមកដាក់ពាក្យបណ្តឹង នៅប៉ុស្តិ៍នគរបាលរដ្ឋបាលក្រាំងយ៉ូវ ។ ក្រោយទទួលបានពាក្យបណ្តឹងភ្លាម កម្លាំងប៉ុស្តិ៍នគរបាលរដ្ឋបាលក្រាំងយ៉ូវ ចេញអន្តរាគមន៏ឃាត់បានខ្លួនជនសង្ស័យយកធ្វើការសាកសួរ។
តាមចម្លើយសារភាព ជនសង្ស័យបានឆ្លើយថា ខ្លួនពិតជាបានធ្វើសកម្មភាពរំលោភសេពសន្ថវ: ទៅលើជនរងគ្រោះបានសម្រេចចំនួន០១ដងពិតប្រាកដមែន៕ លោក កណ្ដុររាត្រី